Verbos tipo investir

Trátase dun grupo de verbos que teñen e como vogal final do lexema no infinitivo (invest-ir). Estes verbos trocan o e por i nas formas do presente do indicativo e imperativo en que a raíz é tónica e, tamén, en todo o presente do subxuntivo:

Presente do indicativo:

• invisto
• invistes
• inviste
• investimos
• investides
• invisten

Presente do subxuntivo

• invista
• invistas
• invista
• invistamos
• invistades
• invistan

Imperativo

• inviste
• investide

Conforme o modelo anterior conxúganse os seguintes verbos: adherir; advertir, divertir; agredir, transgredir; conferir, diferir, inferir, preferir, proferir, referir, transferir; competir, repetir; concernir, discernir; espelir; espir; dixerir, inxerir, suxerir; inserir; medir; pedir e derivados; reflectir; vestir, revestir.

Exercicios

Completa os espazos cos verbos no presente do indicativo:

1. O noso é un dos países que menos inviste (investir) en Educación.
2. Unha investigación conclúe que cada persoa inxire (inxerir) cerca de 250 gramos de micropartículas de plástico por ano.
3. Teño que confesar que me divirto (divertir) moito con eles.
4. A maioría dos filmes exhibidos reflicte (reflectir) e retrata a Alemaña actual.
5. Esta non é a primeira vez que Beyoncé viste (vestir) unha marca francesa.
6. A Federación Portuguesa de Naturismo quéixase de que as praias naturistas están a ser invadidas por persoas que non se ispen (espir).
7. Somos, neste momento, os peores entre os peores do mundo no que concirne (concernir) aos indicadores de desemprego.
8. Os emigrantes cualificados prefiren (preferir) os países do Norte da Europa.
9. Muller grávida agride (agredir) médica no servizo de urxencias do hospital de Ourense.
10. Os círculos sociais en que as persoas se insiren (inserir) poden afectar as súas oportunidade de empregos.
11. Para aqueles que tiveren curiosidade, suxiro(suxerir) unha visita ao sitio web da compañía (eu).

Verifica as respostas