Oles moito a xel!

O verbo ulir é un verbo con alternacia vocálica. Lémbraste de cal é a particularidade que presentan este tipo de verbos?

Comeza por ollar o vídeo de Páramo Pictures que parodia a música All the things she said da banda rusa t.A.T.u. A versión deles intitúlase Oles moito a xel!:

Sabes responder agora á pregunta? Na verdade, dos verbos con este tipo de alternancia vocálica xa falamos no post dedicado ao verbo consumir. Se for preciso, revé a información aquí: Verbos tipo consumir

Exercicios

Completa os espazos cos verbos no presente do indicativo:

Unha nube de poeira cobre (cubrir) a cidade de Beijing desde hai días.
As cobras engolen (engulir) as súas presas enteiras.
A maioría das persoas dorme (durmir) menos horas do que sería aconsellábel.
A protagonista do filme administra un club nocturno que encobre (encubrir) un negocio de tráfico de drogas.
As mulleres que consomen (consumir) máis peixe sofren (sufrir) menos do corazón.
Os prezos soben (subir) por causa da inflación.
Que perfume usas? Oles (ulir) tan ben! (ti)
Máis de 70000 persoas foxen(fuxir) da cidade ucraína de Donetsk.
Fregar excesivamente os dentes con bicarbonato de sodio pode eliminar o esmalte que os recobre(recubrir).
Desde que tomo unha caneca de leite quente con mel antes de ir para a cama, tuso (tusir) moito menos.
Ninguén moxe (muxir) as vacas á man agora, todos moxen (muxir) coa muxidoira.

Verifica as respostas