O substantivo é feminino e o artigo determinado, tamén

Xénero do substantivo e do artigo determinado

En español, os substantivos de xénero feminino que comezan por a- ou ha- tónico, trocan o artigo determinado feminino (la) polo masculino (el).

Por que?

Para evitar ter que pronunciar dous as seguidos (la arma) cando están no singular.

Por esta razón, aínda que arma é unha palabra feminina, o artigo determinado singular que a acompaña é masculino: el arma

En galego non acontece isto. Arma é unha palabra feminina, por tanto, o artigo determinado singular tamén é feminino: a arma

Como é: el arma ou la arma?

Se tiveres dúbidas sobre o xénero da palabra, só tes que pasala ao plural.

Exemplo:

O plural de arma é as armas, logo é feminina.

Exercicios

Escribe o artigo determinado:

Básico

abeto > o abeto

auga > a auga

arte > a arte

automóbil > o automóbil

área > a área

alma > a alma

aula > a aula

aparello > o aparello

á (extremidade dos paxaros) > a á

acordeón > o acordeón

area > a area

allo > o allo

aguia > a aguia

ama (de cría ou a patroa) > a ama

Verifica as respostas

Intermedio

altofalante > o altofalante

alga > a alga

algodón > o algodón

asa > a asa

áncora > a áncora

aspecto > o aspecto

ascua > a ascua

alcol > o alcol

aspa > a aspa

ánima > a ánima

alcume > o alcume

ansia > a ansia

aloumiño > o aloumiño

arca > a arca

almacén > o almacén

arpa > a arpa

Verifica as respostas

Avanzado

anteface > o anteface

alba > a alba

afán > o afán

anca > a anca

ágora > a ágora

agrón > o agrón

asta > a asta

ágata > a ágata

aborto > o aborto

álxebra > a álxebra

acta > a acta

asma > a asma

árnica > a árnica

alifafe > o alifafe

Verifica as respostas