Contraccións (2)
Artigo indeterminado + preposición
As formas do artigo indeterminado (un, unha, uns, unhas) contraen coas preposicións con, de e en en galego.
| preposicións 👇 / artigos 👉 | un | unha | uns | unhas |
|---|---|---|---|---|
| con | cun | cunha | cuns | cunhas |
| de | dun | dunha | duns | dunhas |
| en | nun | nunha | nuns | nunhas |
Exercicio 1
Contrae a preposición que aparece entre parénteses co artigo indeterminado:
Exemplo: A avoa de Carapuchiña Vermella vive
- Cortei o cabelo
cunhas (con) tesoiras que encontrei na cociña. - O filme narra a vida
duns (de) mozos que cumpren a súa pena nun cárcere turco. - O Titanic afundiu despois de colidir
cun (con) iceberg. - Pénsao ben, trátase
dunha (de) decisión importante. - Traballa
nunha (en) fábrica de automóbiles en Vigo. - Fun
cuns (con) amigos á festa e divertímonos moito. - Pararon
nun (en) supermercado ao pé da estrada para comprar auga. - Espero verte
nunhas (en) semanas, volvo á casa o mes que vén. - Foi atropelado por un coche que saía
dun (de) garaxe. - No programa de hoxe van conversar
cunha (con) doutora sobre as vacinas. - Despois de todo este esforzo, vou precisar
dunhas (de) boas vacacións. - Agora non podo falar, chámote
nuns (en) minutos.