A preposición a e a horas

Non usar a preposición a coas horas e as partes do día é un erro moi habitual nos textos que escriben os alumnos de 1º da ESO.

Para axudarche a mellorar este aspecto, propoño que fagas o seguinte exercicio.

Completa coa preposición a ou coas contraccións (ás, á, ao). Lémbrate de que a contrae sempre co artigo definido que vén despois.

Exemplo: Neste instituto, as aulas comezan ás nove da mañá.

1. Chegamos á praia ás cinco da tarde.

2. O exame comeza de aquí a vinte minutos.

3. Vas estudar á tarde ou á noite?

4. Deiteime ás dez, porque estaba moi cansado.

5. O adestramento de fútbol é ás catro e media.

6. Agora estou moi ocupada, falamos á tarde.

7. Nos EUA, xantan ao mediodía e cean ás seis da tarde.

8. Acordei ás tres da madrugada por causa do ruído da rúa.

9. Este supermercado fecha ás oito.

10. Encontrámonos nesta praza de aquí a dúas horas.

Verifica as respostas